Stundum berja leiðtogar meira að segja hnefann í borðið þegar verið er að níðast á fólki sem verslar kannski ekki í Epal né vinnur á æmakka.
Atli Þór Fanndal.
Atli Þór Fanndal skrifaði:
Maður getur nú eiginlega ekki annað en furðað sig á því hvað meðvirknin með Sjálfstæðisflokknum er yfirgengileg. Flokkurinn lýsir því yfir að útlendingar séu að rústa innviðum landsins en ekki sjálfstæðismenn sjálfir og flokkarnir sem þykjast getað myndað ríkisstjórn eftir kosningar sjá enga ástæðu til svo mikils sem að skella allavega í yfirlýsingu til þeirra sem hingað koma og þakka fólki fyrir þerra framlag til samfélagsins. Ég veit að það er sumarfrí en guð minn almáttugur pólitík er ekki níu til fimm vinna. Til hvers erum við að láta eins og það séu aðrir flokkar hérna ef þau geta ekki einu sinni slegið aðeins frá sér.
Það er alveg sláandi munur á viðbrögðum við yfirlýsingu, formanns Sjálfstæðisflokksins, nýs dómsmálaráðherra, fyrrverandi dómsmála ráðherra, bæjarstjóra flokksins og trénaðs hugmyndafræðings sem mætt er með því sem næst þögn. Og svo hins vegar ákvörðun matvælaráðherra um tímabundið bann við hvalveiðum þar sem talpunktar Sjálfstæðismanna flæða hreinlega um allt.
Ég er viss um að þetta þykir voðalega sniðug strategía að blanda sér ekki í svona sóðamál og ætla bara að þegja þetta í hel en það gleymist örugglega á þessum fundum gáfumanna að hér er verið að skrímslavæða fólk til að fela getuleysi og gjaldþrot stefnu sjálfstæðismanna. Leiðtogar láta sér líka þykja vænt um fólk. Stundum berja leiðtogar meira að segja hnefann í borðið þegar verið er að níðast á fólki sem verslar kannski ekki í Epal né vinnur á æmakka.
Mæta andlega í vinnuna krakkar.
