Gunnar Smári skrifar:
„Sjálfstæðismenn hljóta að ræða hvort það sé fullreynt að ná árangri með núverandi formanni og forystu.“
Í gamla daga var sagt að árangur Sjálfstæðisflokksins í kosningum mætti meðal annars rekja til að Sjálfstæðisflokksfólk stóð með forystunni og flokknum þegar á reyndi. Öfugt við vinstri menn sem gátu dregið innanflokksátökin með sér inn í kosningabaráttu og kannski rifist meira innbyrðis en við andstæðinga.
Þetta virðist vera að breytast. Vilhjálmur Bjarnason sendi forystu Sjálfstæðisflokksins eitraðar pillur í gær, afskrifaði hann í raun, sagði að xD væri einsmálsflokkur utan um það að verja tök örfárra á sjávarauðlindinni. Og hér afskrifar Páll Magnússon Bjarna og forystusveitina sem hann hefur raðað kringum sig. „Hollusta við formann má ekki breytast í meðvirkni, því þá er hún skaðleg,“ segir Páll í viðtalinu. „Sjálfstæðismenn hljóta að ræða hvort það sé fullreynt að ná árangri með núverandi formanni og forystu.“