Þetta sparar nefnilega ríkiskassanum stórfé.
Vilhelm G. Kristinsson skrifar:
„Fleiri og fleiri eldri borgarar og öryrkjar flýja land til þess að eiga í sig og á“, segir í fréttum. Getur verið að það sé að yfirlögðu ráði sem stjórnmálastéttin þjarmar svo að þessu fólki að það neyðist til að flytjast á brott? Þetta sparar nefnilega ríkiskassanum stórfé vegna þess að eldri borgarar og öryrkjar eru dyggustu viðskiptavinir heilbrigðiskerfisins. Það er svo saga út af fyrir sig að stjórnmálastéttin hefur með sjálftöku búið svo um hnútana að fjárhagsöryggi stjórnmálamanna er tryggt þegar aldurinn færist yfir eða heilsan bilar. Því er skilningurinn af skornum skammti gagnvart öðrum.
