Skiptar skoðanir eru um hvort rétt sé að hafa húsnæðisliðinn í vísitölureikningum eða ekki. Víða er vilji til að hann verði ekki með í útreikningunum og hins vegar er talað um að ekki eigi að breyta forsendunum.
Tveir menn eru á öndverðum meiði, Markús Möller hagfræðingur og Þorsteinn Sæmundsson alþingismaður.
Markús vill ekki taka húsnæðisliðinn út úr vísitölunni, en hvers vegna?
„Ef það er einhvern tímann vitlaust, þá er það núna. Fólk er búið að taka á sig heilmikla hækkun lána af því að húsnæðisliðurinn hefur hækkað meira en annað í vísitölunni. Húsnæðisverð og leiga eru í toppi og harla líklegt að þau hækki minna en annað á næstunni, að ekki sé talað um ef gengið gefur eftir. Þá missir fólk af því þegar húsnæðisliðurinn lækkar mælda verðbólgu og tapar tvöfalt. Eðalbjart!“
Tekið af Facebooksíðu Markúsar.
Þorsteinn er hins vegar annarar skoðunar, en hvers vegna?
„Við vitum núna að þeir sem hafa ferskustu hugsunina í verkalýðshreyfingunni setja á oddinn akkúrat þetta mál…“ „Menn hafa lagt áherslu á að húsnæðisliðurinn verði tekinn út úr vísitöluútreikningi á lánum. Miðflokkurinn er búinn að svara þessu með því að leggja fram frumvarpið. Fulltrúar Flokks fólksins tóku undir það í umræðunni um daginn, enginn annar hafði kjark. Enginn annar hafði áhuga.“
Tekið úr þingræðu Þorsteins.
