Þar get ég alveg áhyggjulaus faðmað hana og knúsað.
Jón Örn Marinósson skrifar:
Þó að það komi engum við þá tel ég rétt taka fram að ég hef mælst með mótefni gegn Sigríði Andersen. Þess er því ekki krafist – eftir að ég hef hlustað á frú Andersen lofsyngja mannréttindi á tímum kóvít-19 – að ég fari í skimun, fimm daga sóttkví og aðra skimun að því búnu. Og ég þarf ekki að virða tveggja metra regluna þegar ég hitti Sigríði Andersen í Krónunni eða Bónus. Þar get ég alveg áhyggjulaus faðmað hana og knúsað og þakkað henni fyrir framlag hennar til að auka samstöðu þjóðarinnar í baráttunni gegn hinum skæða heimsfaraldri.