Því er það auðvitað mjög klókt hjá þeim að halda Bjarna Ben í stóli fjármálaráðherra.
Katrín Baldursdóttir skrifar:
Dæmin hrannast upp sem sýna að Bjarna Ben hefur verið komið fyrir í stóli fjármálaráðherra af hans ætt, Engeyingunum, og öðrum auðmönnum sem eru líka í bullandi fjárumsvifum með Engeyingunum. Sjáið þetta dæmi um hinn ofur ríka Kristján Loftsson í Hval hf. og náfrændur Bjarna Ben, þá Einar Sveinsson, Ingimund Sveinsson og Benedikt Einarsson.
„Saka hluthafarnir, sem eru félög í eigu feðganna Einars Sveinssonar og Benedikts Einarssonar og Ingimundar Sveinssonar, bróðir Einars, framkvæmdastjóra og stærsta einstaka hluthafa Hvals, Kristján Loftsson, um að með kaupum hans á hlutum í Hval á „verulegu undirverði“ og fráfalli stjórnar félagsins á forkaupsrétti sínum að þeim, hafi það „aflað [Kristjáni] ótilhlýðilegra hagsmuna,“ á kostnað annarra hluthafa. Einar er jafnframt stjórnarformaður Hvals.
Þessir menn eru með klærnar í öllum stærstu viðskiptageirum á Íslandi. Stunda botnlausa fákeppni, fá endalausa fyrirgreiðslu hjá stjórnvöldum sem lama hverja eftirlitsstofnunina á fætur annarri svo þessir menn geti rakað saman peningum! Því er það auðvitað mjög klókt hjá þeim að halda Bjarna Ben í stóli fjármálaráðherra.
