Sanna segir strætófarþega á Hlemmi finnast þeir óvelkomnir í Mathöllina kaupi þeir ekkert. Meirihutinn segir þetta rangt hjá Sönnu, ekkert bendi til að svo sé.
„Stjórnarformaður Hlemms mathallar greinir frá því í erindi sínu að þau hafi velt fyrir sér hvernig megi útfæra útisvæðið við Hlemm þannig að það geti betur orðið nýtilegt fyrir gesti þeirra og að þau hafi aðallega horft til svæðisins austur af Hlemmi, þ.e. við Rauðarárstíg,“ segir í bókun Sönnu Magdalenu í borgarráði.
Hún segir að í erindi sínu lýsi þau yfir áhuga á því að byggja 120-200 fermetra glerskála við hlið Hlemms Mathallar. „Í þessum skála yrðu borð fyrir gesti auk mögulegra uppákoma og vörumarkaða. Hlemmur Mathöll óskar eftir viðræðum við Reykjavíkurborg um lán á lóð undir þennan skála. Hugmynd þeirra verði að Hlemmur mathöll ehf. sjái alfarið um þessa framkvæmd og þann kostnað sem af henni hlýst.“
Sanna hefur áhyggjur af strætófarþegum sem bíða á Hlemmi, sem; „…upplifi að rými mathallarinnar sé aðallega hugsað fyrir greiðandi viðskiptavini í mathöllinni.“
Fulltrúar meirihlutans taka ekki undir með Sönnu.
Það segja að; „…ekkert sem bendir til þess að upplifun strætófarþega sé sú að þeir séu ekki velkomnir inn á Hlemm án þess að versla. Sé það hins vegar svo þá verður að ítreka þær upplýsingar til þeirra að þeir eru sannarlega velkomnir eins og allir aðrir sem eiga leið þar hjá.“
