Eftir að hafa horft á og hlusta á „sérfræðinga“ rúv um leiki á HM þá er ég þeirrar skoðunar að best er að hlusta á Margréti Láru Viðarsdóttur. Hún skýrir mál sitt best og opnar augu þeirra sem minna vita.
Svo er annað. Ég skil ekki hvers vegna sumir þeirra sem lýsa leikjum, þar sem keppa tvær erlendar þjóðir, öskra af öllum lífs og sálar kröftum, oft út af litlu.
Á rúv ekki upptökur með Bjarna Fel? Þar fór maður sem kunni sitt fag. Enginn asi, ekkert vesen, öllu komið til skila með fáguðum hætti. Það má læra af Bjarna.
Verð að taka fram að ég er ekki að tala um Gumma Ben. Hann er sérkapítuli. Ber af nústarfandi.
Þú gætir haft áhuga á þessum
