Vinstri græn og Framsókn hafa verið sýrubaðið í boði Sjálfstæðisflokksins og hafa horft á fylgi síns flokks minnka og minnka. Sýran eirir engu.
-sme
Helstu ráðherrar núverandi ríkisstjórnar hafa ákveðið, með góðu eða illu, að fórna mannorði Sigurðar Þórðarsonar, fyrrverandi ríkisendurskoðanda, í fyrir fram vonlausri baráttu við að halda viðkvæmum upplýsingum um Lindarhvoll frá þjóðinni.
Auðvitað er barátta þeirra dauðadæmd. Stjórnarflokkarnir hafa misst mikið fylgi og munu eflaust halda áfram að tapa fylgi. Fólki er misboðið. Þyngsta sök ber Sjálfstæðisflokkurinn. Bjarni Benediktsson og Birgir Ármannsson hafa gengið lengst og þeir teyma Katrínu og Sigurð Inga í forarpyttinn.
Bjarni og Birgir eru einnig tilbúnir að fórna eigin flokki í þögninni um Bjarna og Lindarhvoll. Svo er komið að Sjálfstæðisflokkurinn tapar miklu fylgi og mælist nú nánast með kjörfylgi Framsóknarflokksins. Svo aum er staðan.
Staðan er óþolandi.
Vinstri græn og Framsókn hafa verið sýrubaðið í boði Sjálfstæðisflokksins og hafa horft á fylgi síns flokks minnka og minnka. Sýran eirir engu.
Sigurður Þórðarson á ekki skilið þá meðferð sem B&B (Bjarni og Birgir) hafa dæmt hann saklausan til að þola. Jónas heitinn Kristjánsson myndi vafalítið nota orðið bófaflokkur yfir gerðir helstu valdamanna flokksins og þögnin annarra flokksmanna.
Ríkisstjórnin er þríklofinn. VG og Framsókn þykir eflaust betra að umbera allt skítamixið en leggja niður vopnin og efna til kosninga nú. Staðan er óþolandi.
-sme