Maðurinn sem felldi ríkisstjórnina látinn

Róbert Árni Hreiðars­son er látinn; hann kallaði sig Robert Down­ey á seinni árum lífs síns, en Róbert lést 19. júní.

Hann var 76 ára að aldri.

Róbert var lög­maður; hann var sak­felldur árið 2008 fyrir margskonar kyn­ferðis­brot gegn ólögráða unglingsstúlkum.

Í kjölfarið var hann dæmdur í þriggja ára fangelsi.

Róberti var veitt upp­reist æru fyrir sex árum síðan; gat með því hafið störf við lög­mennsku á ný.

Óhætt er að segja að á­kvörðunin um upp­reista æru Róberts hafið vakið mikla ólgu í sam­fé­laginu. Mjög mikla.

Róberti og Hjalta Sigurjóni Haukssyni var báðum veitt uppreist æru sama dag, 16. september 2016. Sú ákvörðun gerði allt vitlaust í íslensku samfélagi; leiddi að lokum til þess að ríkisstjórn Sjálfstæðisflokks, Viðreisnar og Bjartar framtíðar sprakk.

Og gerðist það eftir að Sigríður Á Andersen upplýsti í beinni útsendingu á Stöð 2 hvenær Bjarni Benediktsson vissi af þætti föður hans, Benedikts Sveinssonar, í málinu, en hann hafði í gegnum árin af einhverjum ástæðum veitt Hjalta Sigurjóni ýmsa hjálp og fyrirgreiðslu.