Ákveðið hefur verið að leggja til breytingar á fjárlagafrumvarpi fyrir árið 2015 vegna bjartari þjóðhagsspár og batnandi afkomu ríkissjóðls.
Ríkisstjórnin hefur ákveðið nokkrar breytingar á fjárlagafrumvarpinu og má nefna að neðra þrep virðisaukaskattskerfisins lækkar úr 12% í 11%. Segir á vef fjármálaráðuneytis að áhrif á vísitölu neysluverðs til lækkunar verði eða um 0,35% í stað 0,2%. Ásamt því muni kaupmáttur ráðstöfunartekna aukast um 0,65% í stað 0,5%. Afnám vörugjalda og lækkun efra þreps virðisaukaskattskerfisins muni sömuleiðis leiða til umtalsverðrar lækkunar á neysluútgjöldum heimilanna þrátt fyrir hækkun neðra þrepsins.
Aðrar breytingar eru:
- Þátttaka einstaklinga í lyfjakostnaði minnkar um 5% með 150 m.kr. aukinni greiðsluþátttöku ríkisins. Lyfjakostnaður sjúklinga lækkar jafnframt með lækkun efra þreps VSK úr 25,5% í 24%.
- Sérstök framlög til rekstrar og stofnkostnaðar heilbrigðisstofnana aukast um 2.125 m.kr.
– 1.000 m.kr. hækkun til Landspítalans. Samtals 49,4 ma.kr. fjárheimild sem hefur aldrei verið hærri.
– 250 m.kr. ný rekstrarframlög til heilbrigðismála almennt.
Tækjakaup á landsbyggðinni 100 m.kr.
Styrking á rekstrargrunni heilbrigðisstofnana og heilsugæslustöðva 100 m.kr.
FSA 50 m.kr. - Stóraukið framlag sem nemur 875 m.kr. vegna hönnunar meðferðarkjarna nýs Landspítala.
Efling menntakerfisins
- Framlög til menntamála aukast um 767 m.kr.
– Aukin framlög til háskóla 617 m.kr.
– Vinnustaðanámssjóður 150 m.kr. – framlag gert varanlegt
Húsaleigubætur aukast
- Til að koma til móts við tekjulægstu leigjendur á húsnæðismarkaði verður 400 m.kr. varið til viðbótar þegar ákveðnu framlagi til að bæta stöðu þeirra.
Auk þess má nefna til viðbótar framlög til eftirfarandi málaflokka: sóknaráætlanir landshluta, vegaframkvæmdir, íþróttamál, Landhelgisgæslan, VIRK, lýðheilsa og brothættar byggðir.
