Getur þá enginn dáið, því það deyr í sjálfu sér enginn úr elli, heldur úr sjúkdómum.
Haukur Arnþórsspon stjórnsýslufræðingur skrifaði:
Nú erum við svo heppin að búa í heimi sem beitir lögregluvaldi gegn farsóttum. Það þýðir að enginn má deyja úr þeim frekar en nokkrum öðrum sjúkdómi, en lækningar eru nú til við flestu. Þetta er fyrir atbeina heilbrigðisstéttanna og er í takt við þeirra eiða – og er eins göfugt og hægt er að hugsa sér og vekur öryggiskennd og hamingju hjá venjulegu fólki eins og mér og þér.
En þá kemur upp ein hugsun hjá þeim sem eru gagnrýnir. Getur þá enginn dáið, því það deyr í sjálfu sér enginn úr elli, heldur úr sjúkdómum. Verða allir eilífir? En ef það vill samt enginn? Ég veit ekki betur en að hluti gamla fólksins á elli- og hjúkrunarheimilunum og sem nýtur heimahjúkrunar biðji umsjónarfólkið þess lengstra orða að fá að deyja. Hvernig á að fara að því. Mér finnst þjónusta heilbrigðisstéttanna og lögreglunnar í heilbrigðismálum komin á það stig að við verðum að koma á líknarþjónustu. Eru Facebook-vinir mínir sammála því?