Logi Einarsson skrifar:
Ragnar Önundarson lýsir forystu Sjálfstæðisflokksins með eftir farandi hætti á FB: „Miðaldra, hvítur, kristinn karlmaður, helst reffilegur og peningalegur, er formaður. Glæsilegasta konan er varaformaður og sætasti krakkinn ritari. Þetta er afleiðing af valdatilfærslu prófkjöranna.“
Nú þekki ég lítið til Þórdísar Kolbrúnar en sýnist hún hins vegar hafa margt til brunns að bera sem ráðherra. Áslaugu Örnu þekki ég hins vegar vel enda er hún formaður í utanríkismálanefnd, sem ég á sæti í. Hún er frábær í samstarfi; sanngjörn en fylgin sér og setur sig vel inn í mál. Hefur allt sem prýðir góða stjórnmálakonu, þótt við séum vissulega ekki oft sammála.
Mér finnst þessi ummæli ömurleg en lýsa því kannski ágætlega hvað við er að eiga þegar kemur að baráttunni fyrir jafnrétti og meira frjálslyndi.
