„Þetta voru mjög vond skilaboð frá einum af oddvitum ríkisstjórnarinnar til þjóðar sem býr við mjög skert lífsgæði vegna mikilla en nauðsynlegra sóttvarnarráðstafanna,“ segir Logi Einarsson í samtali við Miðjuna.
„Bjarni hlýtur að íhuga afsögn sína til að grafa ekki frekar undan mikilvægri samstöðu þjóðarinnar. Geri hann það ekki verða aðrir forystumenn ríkisstjórnarinnar að velta því fyrir sér hvort áframhald stjórnarsamstarfs án afleiðinga gæti rýrt möguleika okkar á að komast í gegnum þetta erfiða tímabil með sem minnstum skaða,“ segir Logi.
„Mistök hans eru þeim mun alvarlegri að hann er einn af oddvitum ríkisstjórnar sem setti það sem markmið að „beita sér fyrir því að efla traust á stjórnmálum og stjórnsýslu.““
Logi: „Þá hefur hann ítrekað fjallað um mikilvægi þess að við tökum sóttvarnir alvarlega, sbr. meðfylgjandi færsla frá 30.10.“
