-sme skrifar:
„Viltu að ég haldi áfram.“ Nei, takk sagði ég og símtalinu var sjálfhætt. Ögn skemmtilegri en núverandi formaður. Sá bíður náttúruöflunum birginn.
Sigurður Ingi hefur boðið náttúruöflunum birginn. Hann segist sjá til þess að annað eins veður komi ekki aftur. Þetta segir hann í sama mund og hann dregur hratt í land með gefin loforð í samgöngumálum. Milljarða niðurskurður þar. Sigurður Ingi hefur áður slegið um sig. Án þess að hafa innistæðu fyrir loforðunum. Fyrir fimm árum sagði hann að það þyrfti ekki alltaf að hækka skatta. Þetta má sjá á meðfylgjandi myndbandi, neðst í þessum skrifum.
Á þeim stutta tíma sem Guðni Ágústsson var munstraður í formannsstól Framsóknar hringdi ég til Guðna. Hann var þá leggja bílnum í hlaðið heima á Selfossi. Nýkominn af ríkisstjórnarfundi. Mér er fyrirmunað að muna hvaða tölur, sem voru til umræðu á fundinum, ég var að reyna að draga upp úr Guðna. „Ég er ekki talnaglöggur maður,“ sagði Guðni. Og bætti við að hann mörg ljóð og kvæði. Og hann byrjaði: „Eitt bros getur dimmu í dagsljós breytt,“ sagði Guðni og svo: „Viltu að ég haldi áfram.“ Nei, takk sagði ég og símtalinu var sjálfhætt. Ögn skemmtilegri en núverandi formaður. Sá bíður náttúruöflunum birginn.
Það er nokkur munur á Sigurði Inga og Guðna. Svo ekki sé talað um heiðursmanninn Steingrím heitinn Hermannsson.
Nú að alvörunni. Hvað heldur karlinn að hann sé. Fátítt ástand varð víða um land. Slíkt kemur ekki aftur, standi formaðurinn við eigin yfirlýsingar. Hann hefur svosem ekki gert það hingað til. Því er allra, allra best að geri ekki ráð fyrir að hann stoppi hvorki vinda né snjóbyl.
