Lilja Rafney segir almenning ábyrgan fyrir sjóðþurrð Ofanflóðasjóðs

„Lilja Rafney í Silfrinu: Við berum öll ábyrgð sem samfélag að hafa ekki nýtt þá fjármuni sem settir voru í ofanflóðasjóð. Ég spyr er það sem sagt þannig að ég sem skattgreiðandi get alls ekki treyst því að stjórnvöld hverju sinni séu að nota peninga sem eyrnamerktir eru í sérverkefni vegna t.d. lífsógnandi aðstæðna í þau verkefni. Að ég þurfi að vera að sífellt að athuga hvort stjórnvöld séu að taka peninga úr sjóðum o g nota?“ Það er Þuríður Harpa Sigurðardóttir sem bendir á þessa fullyrðingu Lilju Rafneyjar Magnúsdóttur. Þuríður Harpa benti á fleira:

„Halldór Halldórsson sagði að auðvitað væri enginn að stela peningunum úr sjóðnum. Ég spyr er þá búið að skila þeim, eru þeir til?“

Þuríði Hörpu er ekki skemmt: „Og með fullri virðingu fyrir heilbrigðisráðherra og ráðafólki á Alþingi, ég borga skattana mína glöð m.a. til að tryggja að heilbrigðiskerfið taki við mér og mínum hvar sem ég þarf að nota það, hvort sem það er bráðamóttaka eða annað. Það er alveg ljóst nú, að heilbrigðiskerfið er enn svelt og hefur verið um árabil. Ég hlýt þá sem ábyrgur samfélagsþegn (skv. Lilju Rafney) að kalla eftir því að stjórnvöld hlusti á fólkið á gólfinu og sérfræðinga og bregðist við þannig að við sjáum raunverulegan árangur strax og til framtíðar. Við sjáum að það er vöntun á starfsfólki á LSH. Það starfsfólk sem enn er hlaupandi er að gefast upp, streitan er of mikil o.s.frv. og mér er spurn er verið að framleiða öryrkja, með því að setja starfandi fólk á Landspítala í allt of mikla streitu?“

Að lokum minni ég á, sem ábyrgur samfélagsþegn, að þrátt fyrir fádæma hagvöxt í mörg ár hefur fatlað fólk verið svikið um kjarabætur sem aðrir þjóðfélagsþegnar hafa fengið. Gapið milli lágmarkslauna og örorkulífeyris hefur vaxið ár frá ári síðan 2007 og er örorkulífeyrir nú í sögulegu lágmarki. Hvað ætla stjórnvöld að gera í því?“