Lilja í sigti Sjálfstæðisflokksins

Skýrt dæmi um bága stöðu Framsóknar innan ríkisstjórnarinnar er meðferðin sem varaformaður flokksins, Lilja Alfreðsdóttir menntamálaráðherra, sætir af hálfu Sjálfstæðisflokksins. Með samþykki Katrínar Jakobsdóttur.

Lilja lagði mikið á sig kláraði fjölmiðlafrumvarp sem samþykkt var í ríkisstjórn. En hvers vegna er ekki vitað. Flokkurinn var á móti og er á móti. Helstu þingmenn hans, þar sem Óli Björn Kárason, hefur farið fremstur, hafa frá fyrsta degi lagt ótal steina í götu Lilju og fjölmiðlafrumvarpsins.

Í hinum „ritstýrða“ Mogga segir í dag. „Tví­sýnt hef­ur verið um fjöl­miðlafrum­varp mennta­málaráðherra, sem átti að veita fjöl­miðlum stuðning af of­an­greind­um toga á árs­grund­velli. Til­kynnt var um ein­greiðslu úr rík­is­sjóði upp á 350 millj­ón­ir til fjöl­miðla vegna veirunn­ar og virðist fjár­magnið fyr­ir hana hafa verið sótt í fjár­magn sem var ætlað upp­runa­lega frum­varp­inu.“

Þetta er vond aðferð sem Sjálfstæðisflokkurinn hefur beitt Lilju Alfreðsdóttur menntamálaráðherra. Kemur sennilega ekki á óvart. Þó má undrast sterka aðkomu forsætisráðherra í aðförinni.

-sme