Líf Magneudóttir, forseti borgarstjórnar, verður í fyrsta sæti á lista Vinstri grænna í komandi borgarstjórnarkosningar. Hún ein sækist eftir leiðtogasætinu.
Ellefu þátttakendur verði í forvalinu, en aðrir sækjast sem sagt ekki eftir fyrsta sæti listans.
Frambjóðendurnir eru þessir:
Björn Teitsson, blaðamaður, býður sig fram í 3. sæti.
Elín Oddný Sigurðardóttir, varaborgarfulltrúi, býður sig fram í 2. sæti.
Guðbjörg Ingunn Magnúsdóttir, grunnskólakennari, býður sig fram í 3.-5. sæti.
Gústav Adolf Bergmann Sigurbjörnsson, doktorsnemi, býður sig fram í 2-4. sæti.
Hermann Valsson, grunnskólakennari, býður sig fram í 3. sæti.
Hreindís Ylva Garðarsdóttir Holm, leikkona, býður sig fram í 4. sæti.
Jakob S. Jónsson, leiðsögumaður, býður sig fram í 4-5. sæti.
Líf Magneudóttir, borgarfulltrúi, býður sig fram í 1. sæti.
Ragnar Karl Jóhannsson, uppeldis- og tómstundafræðingur, býður sig fram í 4.-5. sæti.
René Biasone, sérfræðingur hjá Umhverfisstofnun, býður sig fram í 4. sæti.
Þorsteinn V. Einarsson, æskulýðsfulltrúi, býður sig fram í 3. sæti.
