Landsleikurinn ALLIR LESA fer fram í fyrsta sinn 17. október til 16. nóvember og lýkur honum því á degi íslenskrar tungu. Allir geta tekið þátt í leiknum sem felst í því að þátttakendur skrá lestur sinn í lestrardagbók á vefnum allirlesa.is og taka þátt í liðakeppni sem er í svipuðum dúr og t.d. Hjólað í vinnuna.
Þau lið sem verja mestum tíma í lestur á keppnistímanum standa uppi sem sigurvegarar. Hægt er að stofna lið með vinnufélögum, vinum, fjölskyldumeðlimum, skólafélögum eða hverjum sem er. Allir lesa er fyrir fólk á öllum aldri, börn sem fullorðna.
Miðstöð íslenskra bókmennta og Reykjavík Bókmenntaborg UNESCO standa saman að leiknum.
Skráning og nánari upplýsingar á vefnum Allirlesa.is
Þú gætir haft áhuga á þessum
