Leigjendur borgi enn meira

Leigjenda bíður enn meiri hækkun húsaleigu. Fasteignaverð hefur hækkað meira en leiguverð og ljóst er að leigusalar munu miða leiguverð við hæsta fasteignaverð á hverjum tíma.

Í Morgunlaðinu í dag segir María Björk Einarsdóttir, framkvæmdastjóri Almenna leigufélagsins, útlit fyrir að leiguverð á íbúðarhúsnæði muni fylgja fasteignaverði og hækka á næstunni.

Fasteignaverð hefur hækkað nokkru hraðar en leiguverð síðasta árið. „Það er eðlilegt að leiguverð sé lengur að taka við sér, enda eru leigusamningar yfirleitt fastir til ákveðins tíma. Þar af leiðandi skila markaðshækkanir sér seinna í leiguverðið. Það er sögulega mjög sterk fylgni milli fasteigna- og leiguverðs,“ segir María Björk við Morgunblaðið.

Hækkunin, sem leigufélögin undirbúa verður ekki bundin við einstök hverfi. Hún mun ná uum allt.

„Við finnum fyrir því að öll hverfin á höfuðborgarsvæðinu eru orðin eftirsótt. Eftirspurnin eftir leiguíbúðum í úthverfunum hefur aukist á síðustu árum. Áður var meiri munur milli miðbæjarins og úthverfanna. Sá munur hefur minnkað hratt.“

-sme