„Leiðin til vít­is er vörðuð góðum ásetn­ingi“

„Vert er að minn­ast þess, að marg­ir verstu harðstjór­ar mann­kyns­sög­unn­ar hafa notið víðtæks stuðnings al­menn­ings og framið ill­virki sín und­ir yf­ir­skini vís­inda og skyn­semi. Leiðin til vít­is er vörðuð góðum ásetn­ingi – og oft fetuð í litl­um skref­um. Þegar sam­fé­lagið í dag er borið sam­an við það sem var við lýði fyr­ir aðeins tveim­ur árum blas­ir við að búið er að taka mörg skref á þeirri hrak­för. Samt boða menn nú, í nafni „fram­fara“, að nauðsyn­legt sé að taka fleiri og stærri skref í þá sömu átt. Senn kem­ur að því að of seint verði að snúa við.“

Það er varaþingmaður Sjálfstæðisflokksins, Arnar Þór Jónsson, sem skrifar þetta í Mogga dagsins. Pólitískir andstæðingar ríkisstjórnarinnar eru sjaldan svona orðhvassir.

„Eins og aðrar þjóðir stönd­um við Íslend­ing­ar nú á kross­göt­um. Leiðar­val okk­ar mun hafa mót­andi áhrif á far­sæld okk­ar til lengri tíma. Nú sem aldrei fyrr þarf að standa vörð um rétt okk­ar til gagn­rýn­inn­ar hugs­un­ar og frjálsr­ar tján­ing­ar,“ skrifar Arnar Þór.

Stjórnarandstaðan er að mestu í fríi. Hirðir ekkert um pólitík dagsins, með örfáum undantekningum. Sparar sig. Það gerir Arnar Þór Jónsson ekki.