„Formaður VLFA lagði fram gögn sem sýndu að í síðustu samningum varð launafólk af 39 milljörðum vegna þess að kjarasamningsgerðin dróst í 4 mánuði og því skiptir miklu máli að kjarasamningurinn gildi frá 1. janúar 2019, en við hvern mánuð sem dregst að ganga frá samningi verður launafólk á hinum almenna vinnumarkaði af allt að 4 milljörðum,“ þetta segir í frétt á heimasíðu Verkalýðsfélags Akraness, frá því fyrr í dag.
Þar segir að fyrsti fundurinn, hjá ríkissáttasemjara hafi verið haldinn á síðasta föstudag, en á fundinum kallaði ríkissáttasemjari eftir ýmsu er lúta að kröfugerð félaganna og var sáttasemjari að átta sig á stöðunni sem upp er komin.
„Formenn stéttarfélaganna þriggja leggja mikla áherslu á að tryggt verði að kjarasamningarnir verði afturvirkir frá 1. janúar 2019 , en þá runnu fyrri samningar út. Þar segir að ríkissáttasemjari hafi óskað eftir svari frá Samtökum atvinnulífsins varðandi þessa kröfu. SA mun svara á næsta fundi með Eflingu, VR og VLFA, sem verður 9. janúar.
