Laug Birgir guðsmaður eða skrökvaði? Er Sjálfstæðisflokkurinn meðsekur?

Erna Bjarnadóttir, varamaður Birgis Þórarinssonar, ætlar ekki að fylgja Birgi í Valhöll. Birgir hafði fullyrt annað. Nú virðist sem Birgir sé ekki eins vænlegur biti og virtist í fyrstu. Sjálfstæðismenn sitja uppi með Birgi. Vandinn er núna þeirra.

En hvað gekk Valhellingum til að þiggja Birgi undir þessum kringstæðum. Kannski sagði hann ósatt hvað varðar Ernu. En það er ekki allt. Jón Steinar Gunnlaugsson skrifar ögn, í hinn hríðfallandi Mogga, um vistaskipti Birgis. Þá var ekki vitað að Erna Bjarnadóttir er ekki á leiðinni í Valhöll.

Birgir segir nú að Erna hafi gengið á bak orða sinna. Hún hafi ætlað með sér yfir í Sjálfstæðisflokkinn.

Jón Steinar skrifar:

Ég held ég myndi varla nenna að stinga niður penna til þess eins að áfell­ast þenn­an mann fyr­ir hátt­erni hans. Það er hins veg­ar ástæða til að staldra við og spyrja, hvers vegna Sjálf­stæðis­flokk­ur­inn tek­ur þátt í þessu með hon­um? Með því hátta­lagi ger­ist sá flokk­ur meðsek­ur í hátt­semi manns­ins. Komið hef­ur fram í frétt­um að eng­inn þing­manna flokks­ins greiddi at­kvæði gegn því að taka við hon­um. Þing­flokk­ur­inn hef­ur þá upp­lýst að hann er til í að taka þátt í siðlaus­um brot­um annarra ef hann aðeins tel­ur sig hagn­ast á því – í þessu til­viki með því að fá viðbót­ar­at­kvæði á þingi.