Samfélag „Sú áskorun sem álframleiðendur standa frammi fyrir í dag er lágt álverð en ekki hátt raforkuverð, hvað þá samkeppnishæft raforkuverð sem í boði er í langtíma samningum við Landsvirkjun og iðnfyrirtæki í mörgum greinum keppa um að tryggja sér,“ segir í frétt á heimasíðu Landsvirkjunnar.
Þar segir einnig að rafmagnssamningur Landsvirkjunar og Rio Tinto Alcan gildi til ársins 2036. „Samningurinn var undirritaður árið 2010 og þegar hann var gerður réðust bæði fyrirtækin í umfangsmiklar fjárfestingar. Hann var nýlega endurskoðaður, í desember 2014, með óbreyttum samningstíma. Rafmagnssamningurinn er hagstæður fyrir báða aðila og tryggir álverinu rafmagn á samkeppnishæfum kjörum til langs tíma. Rafmagnssamningurinn er í fullu gildi, enginn ágreiningur er milli fyrirtækjanna um efni hans, engin tilkynning hefur borist um að aðilar hyggist ekki standa við skuldbindingar samningsins og engar viðræður standa yfir um breytingar á honum.“
Sjá nánar hér.
