Ríkisbankinn Landsbankinn lánið Icelandair 80 milljónir dollara. Það var um tíu milljörðum króna á þáverandi gengi en er um 11,5 milljarðar í dag. „Á móti fékk Landsbankinn veð í tíu Boeing 757 þotum en þær, líkt og fleiri farþegaflugvélar, hafa rýrnað í verði síðustu vikur vegna efnahagskrísunnar sem nú gengur yfir og enginn sá fyrir,“ segir á Túrista.
Verðfall hefur orðið á flugvélum og veð Landsbankans þar með. Vélarnar eru meira en tuttugu ára og þurfa meira eldsneyti en nýrri vélar. Eru nánast úreltar.
Túristi segir forstjóra American Airlines af hgefið til kynna að dagar Boeing 757 og 767 í flota félagsins séu jafnvel taldir. Forstjórinn sá útilokar ekki heldur að leggja þotunum. Athygli vekur að talað er um að leggja vélunum, ekki að selja þær. Sem er eflaust vonlítið að muni takast.
Túristi segir: „Landsbankinn á varla möguleika á að fá aukin veð hjá Icelandair því samkvæmt svari Evu Sóleyjar Guðbjörnsdóttur, framkvæmdastjóra fjármála hjá Icelandair, þá hefur félagið fengið lán þar sem flugvélar eru nýttar sem veð og þeir samningar gera ekki ráð fyrir að lánveitendur óski eftir frekari tryggingum á lánstíma. Eva Sóley bendir á að til eru gagnaveitur þar sem hægt er að verðmeta flugvélar og það sé þekkt að lánveitingar séu byggðar á verðmati frá slíkum veitum. „Vegna stöðunnar í heiminum í dag er ekki ólíklegt að verðmat allra flugvéla og í raun allra eigna séu gjörbreytt í augnablikinu,” bætir fjármálastjórinn við.“
-sme