Láglaunastefnan í góðæri síðustu ára er sennilega að koma í bakið á henni.
Sigurður G. Guðjónsson lögmaður skrifar:
Mogginn segir í dag að verkföll hótel þerna, sem Sólveig Anna er ánægð með, hafi þegar valdið tjóni. Má vera að það sé rétt. Þekki ekki launakjör hótel þerna. Þau munu ekki vera há og í raun svo lág að þau duga ekki til framfærslu, hvað þá nokkurrar eignamyndunar hér á landi, enda mun starfi þessu, eins og flestum láglaunastörfum hér á landi vera sinnt af erlendu vinnuafli. Merkilegt að ferðaþjónustan sem grætt hefur á tá og fingri frá hruni geti ekki greitt laun sem lifa má af á Íslandi og eignast eitthvað.
Láglaunastefna ferðaþjónustunnar í góðæri síðustu ára er sennilega að koma í bakið á henni. Hvort það er tjón ferðaþjónustunnar skal ósagt látið. Ef svo er er hæpið að skella því á láglaunafólk.
Fengið af Facebooksíðu Sigurðar.
