Guðni Ölversson skrifar:
Nú er fokið í flest, ef ekki öll skjól, ef á að fara að skera niður laun landsliðsþjálfarans í fótbolta. Jafnvel þótt hann sé sænskur. Ef það er eitthvað sem rekur metnað Norðmanna áfram er það gengi landsliðsins í fótbolta. Það gekk æði vel um og eftir síðustu aldamót og þannig var það líka með stærsta úrvalsdeildarliðs landsins, Rosenborg, sem varð Noregsmeistari árin 1992, 1993, 1994, 1995, 1996, 1997, 1998, 1999, 2000, 2001, 2002, 2003, 2004 og samtals 26 sinnum. En svona er þetta bara. Allir virðast þurfa að lúta í gras fyrir Korona þetta misserið.
