Áslaug Arna, ráðherra Sjálfstæðisflokksins, lækaði færslu Loga Bergmann þar sem hann bar af sér sakir í vondu máli.
Fyrir nokkrum árum lækaði ég færslu bróður míns. Nokkru síðar hitti ég Bjarna Benediktsson. Þegar hann sá mig missti hann stjórn á sér. Breyttist í ráman hárblásara. Sagði mig hafa ráðist að sér og sinni fjölskyldu og hann myndi aldrei tala við mig aftur.
Ég gekk á hann og vildi vita hvað ég hefði gert. Eftir nokkrar tilraunir hreytti hann út sér að ég hefði lækað færslu bróðir míns. Færslan sem ég setti læk við er neðst í þessum skrifum.
Í framhaldi af framkomu og ójafnvægi Bjarna ákvað ég að hætta að starfa við að fá stjórnmálamenni í viðtöl. En þykir mér gaman að horfa á útsendingar frá Alþingi. Einkum þegar annað hvort Guðmundur Ingi Kristinsson eða Björn Leví Gunnarsson fara í andsvör við Bjarna. Þá er hann oftast við að springa. Hann mun springa einhvern daginn. Bjarni virðist eiga einna erfiðast með að umgangast þá tvo
Hér er hægt að sjá Facebookfærsluna sem ég lækaði:
„Engey er víða. Áður en neyðarlögin voru sett hringdi Sturla Pálsson, hagfræðingur í Seðlabankanum, í konu sína, Helgu Jónsdóttir, eins og fram kom í Kastljósi, og upplýsti um yfirvofandi aðgerðir bankans. Helga er dóttir Guðrúnar Sveinsdóttur, systur þeirra Einars og Benedikts Sveinssonar, stórtækra fjárfesta. Benedikt er faðir Bjarna, sem nú er fjármálaráðherra. Hann og Helga eru systkinabörn. Áður en neyðarlögin voru sett fengu Engeyingar því viðvörun og svigrúm til að bjarga sínu. Algjörir snillingar.“
