Mannlíf Ásmundarsafn verður opið til kl. 20 á fimmtudögum í janúar og verður boðið verður upp á skemmtilega viðburði fyrir alla fjölskylduna í tengslum við það.
Fimmtudaginn 7. janúar kl. 19 ætla sýningarstjórarnir Klara Þórhallsdóttir og Heiðar Kári Rannversson að fara með gesti í könnunarleiðangur um sýninguna Geimþrá sem hlotið hefur frábærar viðtökur.
Sýningin var á lista Morgunblaðsins yfir fimm bestu sýningar ársins 2015 en Anna Jóa, myndlistarrýnir blaðsins lýsti henni á þennan hátt: „Unnið er markvisst með lýsingu á þessari sýningu og þá sem merkingarbæran þátt í heildarumgjörð hennar og sýningarhugmynd sem gengur út á að draga fram sköpunarneistann, „geimþrána“ í verkum fjögurra úrvalslistamanna – og sýningargestur er hrifinn með í fantasíukenndan könnunarleiðangur.“
Opið verður frá kl. 13–20 fimmtudaganna: 7., 14., 21. og 28. janúar. Opnunartími Ásmundarsafns aðra daga er frá kl. 13–17.
Vakin er athygli á að Hafnarhús Listasafns Reykjavíkur er ávallt opið til kl. 20 á fimmtudögum.
