„Flokkur fólksins hefur áður kvartað yfir fundargerðum SORPU og hversu rýrar þær eru og segja lítið.“
„Lítið er hægt að lesa úr fundargerðum SORPU hver raunveruleg staða félagsins er.“
„Fundargerðir SORPU bs. eru oft gífurlega ógagnsæjar og undirstrika það að best væri að fleiri hefðu aðkomu að öllum fundum nefnda og stjórna sem borgin kemur að.“
Þannig bókaði minnihlutinn í borgarráði. Fyrst er það Flokkur fólksins, næst er að Miðflokkur og svo Sjálfstæðisflokkur.
„Reykjavíkurborg er lang stærsti eigandinn og hefur þegar samþykkt að leggja félaginu til um 500 milljónir í formi nýrra ábyrgða,“ bókaði Vigdís Hauksdóttir.
„Fyrir eigendur SORPU, borgarbúa, er erfitt að sjá hvað er í gangi á þessum fundum SORPU. Kjörnir fulltrúar ættu að eiga rétt á meiri aðkomu að þessu félagi. Ljóst er að hefði félagið ekki verið svo aflokað og einangrað hefði mátt forða því frá miklu tjóni. Þessu þarf að breyta og það er gert með því að breyta fyrirkomulagi byggðasamlaga. Málefni SORPU er ekki einkamál fárra útvalda,“ bókaði Kolbrún Baldursdóttir.
