Í tilkynningu frá Björgólfi segir að þessi ákvörðun hafi verið tekin með hliðsjón af „reynslunni af starfsemi í Namibíu“.
Jón Örn Marinósson skrifar:
Eftir að hafa kynnt sér starfshætti og siðgæðisviðmið hjá Samherja hefur Björgólfur Jóhannsson ákveðið að láta „þróa og innleiða heildrænt stjórnunar- og regluvörslukerfi sem byggist á áhættuskipulagi fyrirtækisins, meðal annars með áherslu á spillingu, efnahagslegar refsiaðgerðir og peningaþvætti.“ Í tilkynningu frá Björgólfi segir að þessi ákvörðun hafi verið tekin með hliðsjón af „reynslunni af starfsemi í Namibíu“. Þetta kerfi kemst að vísu ekki í gagnið fyrr en eftir eitt ár en sjálfsagt hlýtur Kristján Þór að hringja í Þorstein Má og spyrja hvort honum líði betur og hvort honum lítist nokkuð á þetta. Sjálfur hef ég ekkert meira um málið að segja. Ég held að ég fari bara og fái mér kaffi.