„Kristaltært“ að þetta gengur ekki
Ráðherra segir að stöðva verði útgjaldavöxt ríkissjóðs. Fimmtán milljarða aukning milli fjárlaga.
Bjarni Benediktsson fjármálaráðherra hefur áhyggjur af auknum útgjöldum ríkissjóðs.
„Tökum sem dæmi 15 milljarða viðbótarútgjöld frá fyrra fjárlagafrumvarpi síðasta árs. Ef við tökum saman veikleika í rekstri ríkisins á síðasta ári og endanlega samþykkt fjárlög fyrir árið 2018 borin saman við fjárlagafrumvarp árið 2017 er þar um að ræða marga tugi milljarða í viðbótarútgjöld,“ sagði hann.
„Við erum að ráðstafa þessum fjármunum í samfélagsleg verkefni en vaxtarhraðinn í útgjöldum er slíkur að við getum ekki haldið þannig áfram endalaust. Það er algerlega kristaltært. Það væri nær að beina sjónum sínum að því hvað við getum gert til að koma vexti útgjaldanna betur í samræmi við langtímamarkmið um varfærni, stöðugleika.“
(Unnið úr þingræðu.)
Þú gætir haft áhuga á þessum
