Ferðaþjónustan á einmitt að vera ánægð með að þetta ferðabann hefur verið sett á.
Marinó G. Njálsson skrifaði á Facebook:
Ég sé að norsk ferðaþjónusta er uggandi og líka sú íslenska. Já, þetta er svakalegt. Kínversk stjórnvöld hafa sett ferðabann á hópferðir frá Kína til að koma í veg fyrir að tugþúsundir, ef ekki milljónir látist vegna kórónavírusins og ferðaþjónustan er uggandi yfir sínum hag, þar sem kínverskir ferðamenn komast hvorki lönd né strönd.
Því miður er þetta 100% rangt viðhorf. Ferðaþjónustan á einmitt að vera ánægð með að þetta ferðabann hefur verið sett á. Heimsbyggðin á að vera ánægð og hrósa á Kínverjum fyrir viðbrögð sín. Með þessu er verið að verja hagsmuni heildarinnar og þar með ferðaþjónustunnar á heimsvísu. Ég veit að þetta verður högg, en ekki nærri því eins mikið högg og hefði komið, ef Kínverjar hefðu ekki gripið til þessara ráða. Verum fegin að það var gert. Með þessu eru Kínverjar að bjarga mannslífum og reyna að minnka höggið á heimsbyggðina, eins og kostur er, og þar með ferðaþjónustuna.
Ég skil áhyggjur ferðaþjónustunnar af fjárhagslegri afkomu sinni. Þar verða stjórnvöld og fjármálafyrirtæki að skoða hvað hægt er að gera. En lítum á verstu sviðsmynd. Hún er MJÖG dökk. Ef útbreiðsla kórónavírusins verður ekki stöðvuð og dánarlíkur haldast svona háar, þá verður frekar lítið um ferðalög á næstu árum.
Biðjum til æðri máttarvalda, að flensan verði stöðvuð fljótlega, að það finnist lækning eða bara einhver aðferð sem gæti dregið úr dánarlíkum. Vonum síðan að enginn, sem við þekkjum eða umgöngumst, smitist af þessari illvígu flensu og sendum góðar hugsanir til þeirra sem það gera, hvar sem þeir eru í heiminum.
Róm var ekki byggð á einum degi en Reykjavík var eyðilögð af einum Degi
Bolli KristinssonAðgerðarhópurinn björgum miðbænum opnum Laugaveginn og Skólavörðustíginn.
Facebooksíða: Opnum Laugaveginn og Skólavörðustíginn.Þetta er auglýsing.