„Já, ég hef ákveðið að gefa kost á mér til starfa í stjórnmálum á ný. Í dag rennur út frestur til að skrá sig til liðs við VG í Kraganum, og taka þátt í vali á lista flokksins þar. Ég yrði afar þakklát fyrir ykkar stuðning við framboð mitt,“ skrifar Kolbrún Halldórsdóttir, fyrrverandi umhverfisráðherra, á Facebook.
Kolbrún sat á þingi fyrir Vg í áratug. Frá 1999 til 2009. Hún var umhverfisráðherra á síðasta ári sínu á þingi.
Kolbrún sækist eftir öðru sæti listans. Guðmundur Ingi Guðbrandsson, varaformaður og umhverfisráðherra, og Ólafur Þór Gunnarsson, þingmaður og læknir, sækjast báðir eftir fyrsta sæti listans.