„Vá hvað ég er þreytt orðin á truflun frá Dóru Björt og Líf í kvöld þegar ég hef verið í pontu, sérstaklega þeirri fyrrnefndu,“ segir Kolbrún Baldursdóttir, borgarfulltrúi Flokks fólksins.
„Á miðju kvöldi sendi ég skeyti á forseta og Þórdísi Lóu formann borgarráð um að rætt yrði við borgarfulltrúann um að haga sér betur á meðan maður talar. Ég er ekki sú eina úr minnihlutanum sem hafa orðið fyrir flissi, hneykslisstunum, geiflum og grettum þessara tveggja kvenna á meðan við erum að tala. Á þessari mynd er ég að biðja forseta enn og aftur að gera eitthvað í þessu, þessi hegðun er ólíðandi og mjög truflandi þegar maður er að halda ræður eða lesa bókanir Forseti sagði að ég hefði ekki orðið lengur svo sennilega komst þetta ekki til skila,“ segir Kolbrún.
„Já þetta er óþolandi – en tilgangurinn helgar meðalið og mér fannst nú formaður borgarráðs taka þátt í flissinu í dag og kvöld,“ segir Vigdís Hauksdóttir Miðflokki.
-sme
