„…það eru jú atkvæði okkar þingmanna sem á endanum ráða.“
„Auglýsingar standa undir einum þriðja af tekjum RÚV. Allt tal um að hætta þeim án þess að tryggja tekjur í staðinn er því í raun tal um að skera starfsemina umfangsmikið niður. Ekkert er að finna í stjórnarsáttmála um þessi mál og spyrja má með atkvæðum hverra ætlunin sé að ná því fram?“
Þannig mælir Kolbeinn Árnason Proppé þingmaður VG. „Það er sjálfsagt að ræða stöðu RÚV á auglýsingamarkaði, en slík umræða verður að hefjast á því hvernig tekjur þess verða tryggðar, ekki er ég til umræðu um niðurskurð eða að setja RÚV á fjárlög.
Þá hefði ég haldið að það væru betri stjórnunarhættir að vera ekki sífellt að opna á að einn þriðji af tekjum stofnunar hverfi, það getur varla haft góð áhrif á starfsemi þeirrar stofnunar og fólkið sem þar vinnur. Að ég tali nú ekki um þá sjálfsögðu kurteisi að ræða fyrst við samstarfsfólk sitt áður en þetta er boðað opinberlega, það eru jú atkvæði okkar þingmanna sem á endanum ráða.“
