Aðgerðir vegna komandi erfiðleika hafa verið kynntar. Seðlabankinn lækkaði vexti. Einn, tveir og þrír. Hann býr yfir fleiru. Er með mikla peninga. Þegar er búið að óska eftir að Seðlabankinn kaupi vita verðlaus „ástarbréf“ fyrirtækja sem höndla með peninga daginn út og daginn inn. Mest annarra manna peninga. Við verðum að treysta að núverandi Seðlabankastjóri fari ekki sama veg og Davíð gerði forðum. Sá keyrði Seðlabankann í þrot.
Hinu megin Ingólfsstrætis er fjármálaráðuneytið. Vígi Bjarna Benediktssonar. Þar er á bæ er mikil hætta. Bjarni vill ekki almennar aðgerðir í því ástandi sem nú ríkir. Hann vill handvelja hvaða fyrirtækjum á að „redda“ og hverjum ekki. Það lofar ekki góðu. Er beinlínis hættulegt. Bjarni er sérfræðingur í að koma í veg fyrir upplýsingar um eigin „reddingar“ og kemst ávallt upp með það.
Við Arnarhól eru tvö kökubox. Annað er lokað. Það er Seðlabankans. Hvað sem verður. Hitt er í ráðuneyti Bjarna það er opið fyrir útvalda. Leynd mun verða yfir „reddingunum“. Katrín Jakobsdóttir og flokkur hennar mun þiggja að verða útverðir leyndarhyggju „leiðréttingar“ Bjarna Ben.
