Leiðari Viðreisn verður trúlega ekki samstíga öðrum stjórnarandstöðuflokkum, verði ríkisstjórn Katrína Jakobsdóttur að veruleika. Ef svo fer mun Viðreisn fá stuðning ríkisstjórnarflokkanna við nefndarkosningar í þinginu. Best er að gera ráð fyrir að Þorgerður Katrín Gunnarsdóttir og Þorsteinn Víglundsson verði nefndarformenn. Hlutur Viðreisnar verður meiri með þessum hætti en ella.
Þorgerður Katrín, formaður Viðreisnar, hikar ekki við að segja að flokkur hennar fari ekki í samstarf með Sjálfstæðisflokki eða Miðflokki. Hún segir einnig að Viðreisn verði ekki hefðbundinn stjórnarandstöðuflokkur.
Vegna stöðu Viðreisnar og afstöðu flokksins er hættuminna fyrir ríkisstjórnina að hafa aðeins eins manns þingmeirihluta.
Þó svona fari er víst að ríkisstjórnina þarf að kljást við harða stjórnarandstöðu. Innan Miðflokksins og Sjálfstæðisflokksins eru harðir og reyndir þingmenn. Stjórnarandstaðan verður alls ekki ein heild, hún verður klofin.
Sigurjón M. Egilsson.
