Kjarninn í liði með RÚV

Við eigum hins vegar allan faraldurinn eftir og við munum ekki bólusetja þetta fólk frekar en aðrar þjóðir.

Haukur Arnþórsson skrifar:

Hér lýgur Kjarninn vísvitandi með hálfsannleik. Hann er í liði með RÚV að segja hálfsannleik og aðra hliðina á faraldrinum til að verja sóttvarnastefnuna innanlands (gróf þöggun). Einræðisherrar eiga ekki traustari vini en íslensk stjórnvöld í RÚV og Kjarnanum í þessu máli. Staðreyndirnar eru:

• 1. Að hlutfallsleg fjölgun smita í Svíþjóð er lítil og í engri samlíkingu við það sem hér er. Það kemur vel fram á myndunum sem fara hér á eftir í commenti.
• 2. Svíþjóð eru á allt öðrum stað en Ísland – og það er aðalatriðið sem vandlega er breitt yfir. Í Svíþjóð hefur félagslyndasti hluti þjóðarinnar, ungt fólk í skóla og íþróttum, fólk í atvinnulífinu og hjá því opinbera sem situr fundi og síðast en ekki síst – þeir sem sækja vínveitingahús og aðra veitingastaði (þetta eru stórdreifendur veirunnar) – myndað hjarðónæmi í fjölmennum byggðarlögum, einkum Stokkhólmi. Það gerðist í vor og var búið í maílok. Við eigum hins vegar allan faraldurinn eftir og við munum ekki bólusetja þetta fólk frekar en aðrar þjóðir.
• 3. Eins og kortlagt hefur verið þá var Corona-faraldurinn 1898 um 1,5 ár að klárast í Danmörku. Hann kláraðist á þéttbýlisstöðunum að mestu á nokkrum vikum eins og gerðist í vor í Svíþjóð, en síðan gusu upp eftirhreytur hér og þar, einkum á landsbyggðinni. Á myndinni sem hér er sýnd kemur fram að svo er einnig í Svíþjóð. Punktarnir yfir ný smit eru stórir á landsbyggðinni í hlutfalli af mannfjölda á þessum stöðum miðað við Stokkhólm.

Við erum því að tala um eftirstöðvar faraldurs í Svíþjóð, meðan faraldurinn er ekki genginn yfir á Íslandi. Sá sem ber þetta saman er að villa um fyrir almenningi. Það er ekki hlutverk fréttamanna.