Kirkjan á undir högg að sækja.
Það er með ólíkindum að lögreglan þurfi að hafa afskipti af kirkju í miðbæ Reykjavíkur þar sem prestur, aðrir ábyrgir starfsmenn og langtum fleiri gestir en heimilt er fyrir hafi hópast saman í kirkjunni. Virðingarleysi gagnvart samfélaginu er hreint yfirgengilegt.
Ómögulegt er annað að allt það fólk sem þar hópaðist saman hafi verið fullvíst um hvernig þau brutu gegn eigin samfélaginu. Okkur öllum. Nokkuð á annað hundrað tóku þátt í gáleysinu.
Kirkjan á undir högg að sækja. Fulltrúi hennar hefur nú kosið að auka vanda kirkjunnar. Þar er fólk sem ákvað að feta slóð Bjarna Benediktssonar. Gefa skít í sóttvarnarreglurnar sem við hin virðum eins vel og kostur er.
Vonandi rannsakar lögreglan bæði mál Bjarna og Ásmundarsalar og svo kirkjubrotið.
Í hverfi 101 eru fimm kirkjur, Hallgrímskirkja, Dómkirkjan, Fríkirkjan, Kristkirkja við Landakot og kirkja aðventista. Lögreglan verður að upplýsa hver kirkjan er.
