Katrín valdi lengri kosningabaráttu

Þingið er auðvitað aðal „víg­völl­ur“ stjórn­ar og stjórn­ar­and­stöðu.

Því fer fjarri að kosningabarátta vegna þingkosninganna verði styttri sökum þess að forsætisráðherra ákvað að kosið verði í seint í september á næsta ári. Katrín Jakobsdóttir og ríkisstjórn hennar sitja ekki á friðarstóli. Kosningabaráttan hefst í þessum mánuði þegar Alþingi kemur saman og mun standa fram að kosningum. Með einhverjum hléum. Fram undan er síðasti þingvetur núverandi ríkisstjórnar. Það verður barist og tekist á í allan vetur.

„Ég sé raun­ar fyr­ir mér að kosn­inga­bar­átt­an verði snarp­ari og styttri, sem er að mörgu leyti æski­legt og ég held að kjós­end­um líki ekki illa,“ segir Katrín marglesnu Moggaviðtali.

„Þingið er auðvitað aðal „víg­völl­ur“ stjórn­ar og stjórn­ar­and­stöðu,“ segir hún. Það má vel vera rétt. Utan þings er margt fólk í sóknarhug. Kosningabaráttan verður löng og ströng fyrir Katrínu og hennar flokk og hennar fólk.

Annað er ómögulegt en að stjórnarandstæðingar byrji snemma og nýti öll tækifæri sem bjóðast til að varpa ljósi á veikleika ríkisstjórnarinnar. Nema kannski þeir sem sjá sig sem fjórða hjólið undir vagni ríkisstjórnarinnar.

Virkilega spennandi tímar eru fram undan í íslenskum stjórnmálum.

-sme