Það væri betri hugmynd að þjóðnýta Samherja og að framselja stjórnendurna til Namibíu.
Formaður Landsflokksins Jóhann Sigmarsson skrifar umsöluferlið á Íslandsbanka.
Katrín Jakobsdóttir forsætisráðherra ætti að geta stöðvað söluferli Íslandsbanka ef að hún vildi gera eitthvað gott fyrir þjóðina
Sjálfstæðisflokkurinn og Framsóknarflokkurinn hafa brotið stjórnarsáttmálan um hálendisfrumvarpið. Málið var í stjórnarsáttmálanum og þess vegna er það brot á þeim sáttmála. Katrín ætti að geta rofið ríkisstjórnina vegna þessa og komið þannig í veg fyrir að Bjarni Benetiktsson fjármálaráðherra seldi Íslandsbanka til vina sinna og viðskiptaelítunnar sem að hann tilheyrir sjálfur.
Bjarni misnotaði innherjaupplýsingar úr Glitni sem að nú er Íslandsbanki
Staðreyndin er sú að Bjarni Benediktsson fjármálaráðherra hafði sérstakt aðgengi að innherjaupplýsingum um slæma stöðu Glitni banka og sjóðs 9, bæði sem trúnaðarmaður almennings og sem þátttakandi og gerandi í viðskiptalífinu. Bjarni og fjölskylda hans forðuðu sem nemur andvirði 6.300 íslenskra lágmarkslauna, með sölu hlutabréfa og verðbréfa sem rýrnuðu eða urðu verðlaus við bankahrunið. Hann sat einnig í stjórn fyrirtækja sem að fengu 130 milljarða afskrifaða hjá þjóðinni.
Um söluferli Íslandsbanka þá eru sjóðir í stýringu hjá Capital World Investors, RWC Asset Management LLP, Gildi-lífeyrissjóður og Lífeyrissjóður verzlunarmanna, sem hornsteinsfjárfestar, hafa hver um sig skuldbundið sig til að kaupa 76.923.077, 30.769.231, 46.153.846 og 46.153.846 hluti á endanlegu útboðsgengi (og á sérhverju gengi sem er innan leiðbeinandi verðbils). Útboðið stendur yfir frá kl. 9:00, mánudaginn 7. júní 2021 og er áformað að því ljúki kl. 12:00, þriðjudaginn 15. júní 2021. Fjármálaeftirlit Seðlabanka Íslands hefur samþykkt lýsingu vegna útboðsins. Stjórn bankans mun óska eftir því að allt hlutafé bankans verði tekið til viðskipta á Aðalmarkaði Nasdaq Iceland. Hver er í raun á bak við þessa sjóði? Vilja íslendingar borga þessum aðilum arð sem að rennur eflaust úr landi í framtíðinni? Er ekki kominn tími til að hreinsa upp í óreiðunni.
Man Katrín ekki hvernig var komið fyrir þjóðinni 2008?
Þúsundir íslendinga misstu heimili sín á nauðungarsölur eftir hrun o.s.frv 2008. Nú vill þessi ríkisstjórn endurtaka leikinn. Sala Íslandsbanka hefst í dag þrátt fyrir að stór meirihluti fólksins í landinu sé á móti sölunni samkvæmt könnunum. Lýðræðið hefur enn og aftur verið fótum troðið. Ætlar Katrín virkilega að láta ræna banka innan frá tvisvar sinnum með tíu ára millibilli? Er það virkilega að gerast?
Það væri betri hugmynd að þjóðnýta Samherja og að framselja stjórnendurna til Namibíu eins og yfirvöld þar í landi hafa óskað eftir við íslensk stjórnvöld. Fiskikvótinn í kringum landið gæti verið boðinn út til allra á markaðsvirði í staðinn fyrir að láta hann í hendurnar á nokkrum aðilum með 94% afslætti eins og verið hefur. Það myndi rétta ríkissjóð betur við en öll salan á Íslandsbanka til framtíðar.
Höfundur er listamaður, kvikmyndagerðarmaður og formaður Landsflokksins.