Katrín Baldursdóttir skrifar:
Mér finnst að fólkið sem gefið hefur Katrínu Jakobsdóttur atkvæði sitt sem vinsælasti ráðherrann eigi skilið að hún sé heiðarleg. En Katrín Jakobsdóttir segir eitt í dag og annað á morgun. Þetta kemur berlega í ljós í afstöðunni til Ísraels. Katrín hefur ítrekað kallað eftir viðskiptabanni gegn Ísrael. Árið 2014 sagðist hún meira að segja vilja skoða að slíta stjórnmálasambandi við Ísrael. En núna er það ekki til umræðu. „Það hefur ekki verið til umræðu,“ sagði Katrín um viðskiptabann við RÚV í vikunni. „Þau viðskiptabönn sem við höfum tekið þátt í hafa alltaf byggst á alþjóðlegu samstarfi um slíkar þvinganir. Það hefur ekki verið til umræðu að þessu sinni.“ Hvernig er hægt að treysta svona stjórnmálamönnum sem segja bara það sem þeim hentar hverju sinni?