Upplýsingar um fjármálavafstur Bjarna Benediktssonar trufla ekki stjórnarsamstarfið. Það segir Katrín Jakobsdóttir við Stundina.
Í svörum hennar má finna þetta:
„Þá liggur einnig fyrir, líkt og fram kemur í frétt Stundarinnar um þessa fyrirspurn, að upplýsingar um margþætt umsvif núverandi fjármálaráðherra í viðskiptalífinu samhliða þingmennsku fyrir hrun höfðu komið fram áður en gengið var til síðustu kosninga. Að sama skapi liggur fyrir að núverandi fjármálaráðherra hefur ekki komið að neinum slíkum umsvifum í áratug.“
Og svo þetta: „Aflandsfélög á lágskattasvæðum er ein afurð frjálsra fjármagnsflutninga og nýfrjálshyggjuvæðingar alþjóðaviðskipta. Það er og hefur verið mín skoðun að mikilvægt sé að íslensk og alþjóðleg löggjöf taki á skattaskjólum enda grafa þau undan velferðar- og lýðræðissamfélögum.“
