Gunnar Smári skrifar:
Nú er fólki sigað á flugfreyjur og það eru merkilega margir sem byrja að gelta.
Gunnar Smári skrifar:
Ótrúlega sorgleg frétt. Flugfreyjur segjast standa frammi fyrir því að samþykkja samning sem þær hafa fellt því annars muni Icelandair stofna gult verkalýðsfélag (félag undir hæl auðvaldsins) og brjóta niður samstöðu flugfreyja. Pælið í þessu, þetta er gert að hvatningu ríkisstjórnar Katrínar Jakobsdóttur, sem loks rauf þögnina í gær og fagnaði þessari niðurstöðu.
Þetta er staðan í dag. Fyrirtækja- og fjármagsneigendur ætla að nota yfirstandandi kreppu til að vinda ofan af sem mestu af því sem verkalýðsbarátta síðustu aldar færði launafólki og almenningi. Og ríkisstjórnin stendur að baki, með vald sitt og ríkissjóð; lofar þeim fjármagnseigendum verðlaunum sem tekst að brjóta niður félög flugstéttanna og berja niður laun þeirra.
Þetta er staðan í dag. Á næstu vikum verður sömu aðferðum beitt til að brjóta niður launakjör starfsfólks í stóriðjunni. Síðan mun auðvaldið og auðvaldsstjórnin snúa sér að öðru launafólki.
Og það magnaða gerist, að launafólk í óskyldum geirum hvetur til þess að flugstéttirnir verði barðar niður. Nú er fólki sigað á flugfreyjur og það eru merkilega margir sem byrja að gelta.
Flugfreyjur segjast vilja samþykkja samninginn til að halda Flugfreyjufélaginu á lífi sem hafi orðið fyrir kjaftshöggi.
