Vinstri græn er flokkur sem vill vera með Sjálfstæðisflokknum.
Katrín Baldursdóttir skrifar:
Þegar stjórnmálamenn segja að „stöðugleiki“ sé aðalatriðið, þá meina þeir að þeir ætli engu að breyta. Þeir ætla að viðhalda samfélagi þar sem milljónamæringar ráða öllu. Auðmenn krefjast stöðugleika svo þeir haldi sínu veldi. Katrín Jakobsdóttir tönglaðist á þessu hugtaki og notaði það sem afsökun fyrir að mynda núverandi ríkisstjórn. Ríkisstjórn um að breyta engu til batnaðar fyrir almenning. Ég er sammála Illuga Jökuls sem segir: „VG er ekki lengur vinstri flokkur, heldur íhaldssamur miðjuflokkur. Ekkert sem flokkurinn hefur gert í ríkisstjórn gætu snotrir Sjálfstæðis- og Framsóknarmenn ekki verið fullsæmdir af. Ekkert.“
Katrín hafði jú tækifæri til að koma Sjálfstæðisflokknum frá völdum eftir síðustu kosningar. En hún valdi Sjálfstæðisflokkinn. Sagt var að Vg myndi þar með hefja mikið skituát. En ég held ekki. Vinstri grænir er flokkur sem vill vera með Sjálfstæðisflokknum. Katrín er svo ánægð með Bjarna Ben. Æðislegt að vinna með honum segir hún. Mér sýnist Vinstri græn frekar vera að gæða sér á rjómabollum með Bjarna Ben og Co frekar en að éta skít.