![](https://www.midjan.is/wp-content/uploads/2021/10/hbr-2.jpg)
Sigurjón M. Egilsson skrifar:
Ég veit að það er fjöldi barna í þessum sporum í dag. Ekki eru það ráðherrabörnin.
Þið sem veljið þessa leið fyrir fátækasta fólkið hafið skömm fyrir.
![](https://www.midjan.is/wp-content/uploads/2021/01/kj-sij-bb-2000x1000.jpg)
Fyrir mörgum árum, ég hef verið ellefu eða tólf ára gamall, þegar fundað var við eldhúsborðið heima. Pabbi var ekki heima. Bara við bræðurnir og mamma. Þar var okkur gerð grein fyrir að engir peningar væru til. Því yrðum við að sættast á að bjúgu yrðu í jólamatinn hjá okkur.
Hvers vegna bjúgu? Jú, vegna þess að lykt af sjóðandi bjúgum er ekki svo fjarri lykt af sjóðandi hangikjöti. Fram á stigaganginn bærist því lykt af reyktu kjöti. Við gátum annað en sagt já og sæst á stöðuna. Enda vanir vonbrigðum. Reyndar rættist úr þegar ættingi hjálpaði til.
![](https://www.midjan.is/wp-content/uploads/2020/10/Guðmundur-Ingi-Kristinsson-Alþingi.jpg)
Ríkisstjórnin setur upp mismununaragleraugun og taumlausa skerðingarsamviskuleysið með keðjuverkandi skerðingum fyrir jólin til þess eins að skerða desemberuppbót vegna lífeyrissjóðslauna niður í núll.
Katrín og Bjarni, hversu víða verða bjúgu í matinn á jólunum. Alls ekki vegna þess að fólki langi að hafa bjúgu í jólamatinn. Nei, vegna þess að meðal okar er fólk sem hefur ekki efni á öðru.
Um hver einustu jól rifjast upp fyrir mér jól æskuáranna. Vonbrigði, minnimáttarkennd og svo margt annað. Ég veit að það er fjöldi barna í þessum sporum í dag. Ekki eru það ráðherrabörnin.
Þið sem veljið þessa leið fyrir fátækasta fólkið hafið skömm fyrir.
Fyrir um einu ári sagði Guðmundur Ingi Kristinsson Flokki fólksins á Alþingi
„Desemberuppbót samkvæmt kjarasamningum VR er 94.000 kr. fyrir árið 2020 miðað við fullt starf. Atvinnulausir fá um 85.000 kr., en eldri borgarar og öryrkjar um 45.000 kr. Þingmenn fá um 185.000 kr. launauppbót fyrir jólin. Af þessum 94.000 kr. greiða VR-félagar að meðaltali um 40% skatt sem þýðir að þeir fá útborgað um 56.000 kr. af þessum 95.000 kr. Af þeim 185.000 kr. sem þingmenn fá eru eftir skatt um 110.000 kr. Desemberuppbót örorkulífeyrisþega nemur 45.000 kr. eða 30.000 kr. eftir skatt. En hún er síðan skert hjá stórum hóp lífeyrisþega en ekki hjá okkur þingmönnum eða þeim sem eru á vinnumarkaði.
„Það er stórfurðulegt að veiku fólki og eldri borgurum sé dýft á kaf í skerðingarpyttinn. Ríkisstjórnin setur upp mismununaragleraugun og taumlausa skerðingarsamviskuleysið með keðjuverkandi skerðingum fyrir jólin til þess eins að skerða desemberuppbót vegna lífeyrissjóðslauna niður í núll. Ekkert. Við fáum jólabónus skattaðan en óskertan, en hjá veiku fólki og eldri borgurum er hann skattaður og keðjuverkandi skertur í ekkert, ekki krónu.
„Hvernig passar svona skattastefna inn í málefni Sjálfstæðismanna? Fyrst er skattað, svo er keðjuverkandi skattur niður í núll eða 100% skattur. Finnst hæstv. fjármálaráðherra þetta sanngjarnt? Ef svo er, hvers vegna? Ef ekki, er hann þá tilbúinn til að berjast fyrir því að þessi 45.000 kr. jólabónus sem eldri borgarar og öryrkjar fá verði skatt- og skerðingarlaus um næstu mánaðamót? Skatt- og skerðingarlausar 45.000 kr.“