Katrín Jakobsdóttir hefur, sem kunnugt, er lagt fram frumvörp um breytingar á stjórnarskránni. Þegar hún mælti fyrir málinu sagði hún meðal annars:
“Mín bjargfasta trú er að eina leiðin til að hreyfa málið sé að stjórnmálin taki það sem ég hef kallað efnislega umræðu um inntak tillagna að breytingum á stjórnarskrá. Ferlið hefur verið langt, 12 ár, og á þeim tíma hefur mikið umrót verið bæði í samfélaginu og stjórnmálunum. Í þeirri ágætu bók sem ég vitnaði til áðan er raunar fjallað töluvert um þá stöðu að leggja af stað í mjög umfangsmiklar stjórnarskrárbreytingar, sem upphaflega áttu að vera breytingar samkvæmt ósk þingsins til stjórnlagaráðs, þar sem óskað var eftir því að gerðar yrðu tillögur að breytingum á stjórnarskrá sem leiddu til þess að ráðið samdi nýja stjórnarskrá. Rakið er hvernig samfélagslegt umrót, gríðarstór pólitísk verkefni og óstöðugleiki í stjórnmálum þar sem töluverðar sviptingar voru m.a. í þingliði stjórnarflokkanna á þeim tíma, varð m.a. til þess að þessu verkefni lauk ekki. Um þetta ferli hefur verið tekist á um æ síðan og þessi átök um ferlið sjálft dæma okkur til áframhaldandi kyrrstöðu í stað þess að við ræðum einmitt hinar efnislegu breytingar en um það tel ég að ákall þjóðarinnar sé hávært og skýrt öllum þeim sem vilja hlusta eftir.”
