Katie Price á yfir höfði sér lögreglurannsókn eftir að hafa berað brjóst sín

Katie Price var hér á árum áður þekkt glamúr-fyrirsæta en í dag er hún að mestu fræg fyrir að vera fræg… og kannski líka fyrir að hneyksla fólk.

Katie ákvað að fara með eiginmanni sínum og fimm börnum í frí til Kandima sem er ferðamannaparadís sem nýlega var opnuð í Indlandshafi. Kandima tilheyrir Maldives eyjum en það er Íslamskt ríki þar sem Sharia lög eru við gildi. Þar sem hin frakka Katie hefur aldrei verið hlynt því að hylja líkama sinn hélt hún uppteknum hætti og beraði brjóst sín á ströndinni enda komin með splúnkandi nýtt sett af stærðinni 32 GG!

Nekt er hins vegar stranglega bönnuð á meðal almennings í landinu og viðurlögin eru ekkert slor en búast má við feyknar stórri sekt og jafnvel fangelsisvist. Katie má því búast við því að þurfa að punga út einhverri summu eftir að hafa sætt lögreglurannsókn en það er venjan við slík mál svo fremi sem lögreglan er látin vita eða formleg kvörtun berist.

Í meðfylgjandi myndasafni má sjá nokkrar myndir af téðri Katie, smellið á myndina til að stækka:

Lögreglan þar í landi sagði í viðtali að slík hegðun væri ekki leyfð og að berist slík vitneskja til þeirra fari fram rannsókn. Að sögn er þetta ólöglegt, að þetta sé litið mjög alvarlegum augum og að ferðamönnum sem koma til landsins sé bent á að þetta sé Íslamskt ríki og þar ríki lög samkvæmt því en hér má sjá mynd af þessum fallega stað: