„Nú hafa allir þingmenn að sjálfsögðu fullt málfrelsi á þingi, en ég verð samt að viðurkenna að mér finnst pínu ósmekklegt að sjá hversu margir karlar virðast hafa ríka tjáningarþörf í þungunarrofsmálinu, sem var að fara í aðra umræðu á þinginu, og það nær undantekningarlaust á þann veg (miðað við tvö minnihlutaálit og fyrstu umræðuna) að þeim finnist eðlilegt að karlar fái að ákveða að verulegu eða öllu leyti hvað konur mega gera við sinn líkama. Auðvitað skulu þeir tjá sig sem þess þurfa, en ég beini því til allra karla á þingi að nú sé kannski ráð að hlusta á þingkonurnar,“ skrifar Smári McCarty þingmaður Pírata á Facebook.
